Umbutho wamakomanisi iSACP uwugxekile umbutho ekunxantathu nawo iANC, ngemeko yoorhulumente bamakhaya kwiphondo iMpuma Koloni. Ngelixa esenza ingxelo yezopolitiko yombutho kwibhunga lephondo lalombutho kulempelaveki, unobhala weSACP ephondweni uXolile Nqatha, uthe noxa nje zikhona iingxelo zophicotho ezingena chaphaza koomasipala abathile, kodwa kusekhona ukungaqhubi kakuhle kwabanye oomasipala kwaye kunwenwile koomasipala abaninzi ephondweni, nto leyo ebonakalisa ukungathwaliswa xanduva kwabo basemagunyeni.