APHA - TOPIC - 137 HUNG COUNCILS #LGE26

INTRO: Unyulo looRhulumente basemakhaya lushiye oomasipala abalikhulu namashumi amathathu anesixhenxe kweli bengenambutho uphumelele ngesininzi sokulawula uwodwa. Oku kuthetha ukuba ngoku imibutho yezopolitiko kwabamasipala kufuneka ibambe iinkqubo zothethathethwano ukuseka ooRhulumente boqhogwano,…

ZIBUZWAKUTHI - MADLANGA 192

Uyaqhuba nokunika ubungqina uVusimuzi "Cat" Matlala kwikomishoni kaMadlanga ePitoli. Kulindeleke ukuba le komishoni iqhube nokumhlohla imibuzo ngobudlelane bakhe nowayesakuba ngu Brigadier kwinkonzo yesipolisa, uRachel Matjeng. 

ZIBUZWAKUTHI - TAXI

Kudutyulwe kwabulawa uno-Taxi kwikhaya lakhe eHarare eKhayelitsha kwi-Cape Flats, eKapa. Amapolisa athi esi siganeko sinxulunyaniswa nodushe loono-Taxi lwakutsha nje kulo mmandla. Bangapha kwamashumi mabini abantu ababulewe kolu dushe ukususela kwinyanga ephelileyo. 

ZIBUZWAKUTHI - WILLOWVALE MURDER

Emva kwenyanga kugetyengwe usibonda uSiyabulela Simoki kunye nonina uNowisile Simoki komkhulu eNkonkwane kuGatyane, amapolisa ephondo iMpuma Koloni anqakule abarhanelwa abathathu nabaquka abantwana abangamakhwenkwe esikolo. 

ZIBUZWAKUTHI - SALARIES

Umongameli uCyril Ramaphosa wenyuse imivuzo yabasebenzi abakwizikhundla eziphezulu  zikarhulumente kumacandelo ohlukileyo. Lochatha wonyaka-mali ka-2026/27, uqale ukusebenza ukusuka ngomhla wokuqala kuTshazimpuzi walo unyaka. 

APHA - TAXI CTN

Bashiyeke bengenanto yokukhwela abakhweli kwisikhululo see-taxi saseKapa, emva kokuba amapolisa epheleke iitaxi zombutho iCATA ukusuka erenkini ukuya eNyanga, kulandela ukuqhambuka kwakho kokujongana ngezikhondo zamehlo kwemibutho yee-taxi eyalanayo. Isikhululo see-taxi esisoloko sixakekile ePinela…

APHA PRISONS PARLY

Kukho ukungaboni ngasonye phakathi komphathiswa wesebe leenkonzo zoluleko uGqirha uPieter Groenewald kwakunye namalungu ekomiti yasePalamente, malunga nokuba semthethweni kokuqeshwa kwabo bonke abo bebefudula besebenzela inkampani yokhuseleko iG4S, kwiziko loluleko iG rootvleieMangaung. Isebe litha…

APHA - UNEMPLOYMENT

Leyuke layokutsho kumyinge ka-33.7 pesenti iqondo lentswelangqesho eMzantsi Afrika, kwikota yesithathu yalonyaka. Oku kuchaza ukuba lenyuke ngomyinge ka-0.1 pesenti xa kuthelekiswa neqondo elabhengezwa nguStats SA kwikota yesibini. Ezinkcukacha manani zivela kwingxelo yamanani engqesho nentswelangq…

APHA - MADLANGA DAY 191

Kuphinde kwakho ukuxambulisana kwikomishoni kaMadlanga phakathi kwamagqwetha kaVusimuzi "Cat" Matlala otyholwa ngokuzama ukubulala,  kwakunye nabakomishinala bale komishoni. Oku kusemva kokuba u Advocate Anneline van den Heever ephakamise inkxalabo yokuba intlanganiso eyayiphakathi kukaMatlala nomp…

ZIBUZWAKUTHI - UNEMPLOYMENT

Iziko leenkcukacha manani uStatsSA, libhengeza ingxelo yengqesho yalekota nezakuveza imeko yeqondo lentswelangqesho kweli, ze kamva kulandele imeko yekota yesithathu yalonyaka.