IYunivesithi yaseRhodes ithi ilahlekelwe kukusweleka kukanjingalwazi uPeter Tshobisa Mtuze. Unjingalwazi Mtuze nobesaziwa njengombhali wolwimi lwesiXhosa, waba ngunjingalwazi wokuqala omnyama kule Yunivesithi yase Rhodes. Unjingalwazi uswelekele emva kwengulo emfutshane, eneminyaka engamashumi asibhozo anesine ubudala. Kwelinye icala ibhodi ejongene neelwimi zenkobe eMpuma Koloni, iPanSALB, ithi isothukile kukushiywa zinkcubabuchopho zeelwimi zesintu kweliphondo, ikuthethe oku, emva kwengxelo zokubhubha kula njingalwazi Mtuze kwakunje nonjingalwazi BB Mkhonto.