Ikomiti yesikhawana etyunjwe yiPalamente yoMzantsi Afrika emiselwe ukuphanda izityholo ezenziwa nguLieutenent General Mkhwanazi ngokuphathelele nokhuseleko lwesizwe, izakubamba intlanganiso kusetyenziswa ubuxhakaxhaka balemihla ngeenjongo zokuqukumbela indlela abazakwenza ngalo oluphando. Lekomiti ityunjwe emva kwezityholo zorhwaphilizo ezenziwa nguMkhwanazi, nongumkomishinala wamapolisa kwiphondo iKwaZuluNatal. U-Mkhwanazi watyhola amapolisa akwizikhundla eziphezulu ngokubandakanyeka kurhwaphilizo, kuquka umphathiswa wamapolisa uSenzo Mchunu, nobekwe kwikhefu, ngokusebenzisana nemigulukudu.