Umphathiswa wesebe lentsebenziswano ngorhulumento nemicimbi yemveli eMpuma Koloni, uZolile Williams, kunye nosihlalo wendlu yenkosi kweliphondo, uNkosi Mpumalanga Gwadiso, bazakubamba ingxoxo yamadoda kwikomkhulu laseNyandeni. Lembizo ijolise ekulweni nemingeni ejongene nesiko lokwaluko. Iinkokeli zasekuhlaleni zivakalisa inkxalabo ngolwaluko olungekho mthethweni, ukusetyenziswa kweziyobisi notywala, ukuqweqwediswa, nobundlobongela ngexesha lolwaluko lwasebusika.