Kulindeleke ukuba abaphathi bendawo yentselo iEnyobeni uVuyokazi noSiyakhangela Ndevu, bavele kwakhona kwinkundla kamantyi eMdantsane, eMpuma Koloni. Bajamelene netyala lokuthengisela abantwana abangaphantsi kweminyaka evumelekileyo utywala. Sele iyiminyaka emibini emva kokuba abantwana abangamashumi amabini ananye baphulukana nemiphefumlo kwindawo yentselo eMonti. Ukuvela kwesisibini kwinkundla yinxalenye yophando olujolise ekufumaniseni oyena nobangela walantlekele.