Ikomiti yepalamente ejongene nesebe leenkonzo zempilo ithi iyiqaphele inkxalabo evakaliswe ngumbutho iOperation Dudula. Lekomiti ithi nangona kukho imingeni ngomba wabemi bamanye amazwe abakweli ngokungekho mthethweni, kodwa kufanele kuqatshelwe isolotya uSection 27 womgaqosiseko weli, ophakamisa ukuba iinkonzo zempilo zifanele ukuxhanyulwa nguye wonke ubani okweli lizwe. Umbutho iOperation Dudula ukhokele imigushuzo yokukhutshwa kumaziko empilo eli, abemi bamazwe angaphandle abakweli lizwe ngokungekho mthethweni. Lombutho uthi oku kubeka uxinezelelo kwinkonzo yempilo nesele iqhwalela kakade. Sihleli nosihlalo wekomiti yepalamente ejongene nesebe lezempilo, ugqirha Sibongiseni Dhlomo.