Umbutho wabaqhubi bee-taxi iSANTACO, uthi naliphi na ilungu lalombutho elinokufunyaniswa libandakanyeka kwisiganeko sokubulawa ngokungenalusini komqhubi wezithuthi zika wonke wonke ezibizwa kusetyenziswa i-App, i-ehailing ukutsho, lakunqunyanyiswa ngoko nangoko. U-Mthokozosi Mvelase  wabulawa ze isithuthi sakhe santunyekwa ngomlilo, ngaphandle kodederhu lwevenkile iMaponya eSoweto ngoLwesithathu weveki ephelileyo. Abanye ababini badutyulwe bonzakala kwaphindwa kwatshiswa esinye isithuthi. Esisiganeko sibangele isankxwe kuluntu, nantoleyo ekhokelele kuqhankqalazo lwabahlali apho kwehle khona esisiganeko.