Ngomso umhla weshumi elinesithandathu kuCanzibe, kuphawulwa usuku lwehlabathi olunika ingqwalasela kubantwana abangamakhwekwe, i-International Day of the Boy Child ngelasemzini. Umbutho ongekho phantsi kukarhulumente iThe Character Company, uzinikele ekusebenzeni nabantwana abangamakhwenkwe abangenabo ootata. Lombutho ujolise ekuqubisaneni neemeko ezidala ukuba abantwana abangamakhwenkwe bangakwazi ukuthetha ngokukhululekileyo ngezinto ezibatyayo, ezifana nokungabi natata nokungabikho kwabantu abangotata abanegalelo elihle kubomi babo, nokujamelana nobunzima ekufumaneni abantu abanokuthetha ngokukhululekileyo kubo, ngeloyikisela indlela abazakujongwa ngayo luluntu okanye ukubekwa ibala phakathi kwezinye izinto.