Lizma van Zyl kuier in die Noord-Kaap waar Hester Maasdorp boer. Sy moes ‘n lang en moeilike pad stap om haar droom te bewaarheid om haar eie veeplaas te hê. Hester vertel van die uitdagings in dié geharde wêreld. ‘n Vriendin en kollega getuig van die besonderse mens wat Hester is met stories soos net die Noord-Kapenaars kan vertel.

Suksesstories - Episode 12

Lizma van Zyl gesels met vier vroue wat vir niks terugstaan wanneer dit by diereredding kom nie. Hulle bevind hulleself dikwels in gevaarlike omstandighede, maar red en rehabiliteer sover hulle gaan. Dis nie altyd net honde en katte wat aan die ontvangkant van hulle hulp en ontferming is nie. Van hierdie vroue se uitreikwerk strek selfs sover as voedingskemas vir kinders in gebiede waar kos skaars is.

Suksesstories - Episode 11

Lizma van Zyl gesels met ‘n ouerpaar van Kaapstad, wat alles in die stryd werp om hulle sewejarige dogtertjie se gesondheidsprobleme te oorkom.

Suksesstories - Episode 10

Hulle is albei die eerste lede van hulle familie wat universiteitsopleiding ontvang, en hulle gryp die geleentheid met beide hande aan. Lizma van Zyl gesels met twee uitblinkerstudente van die Universiteit van die Vrystaat. Chanel Lewis en Jade Hastings deel hulle uitdagings, en hulle dinamiese dosent vertel wat dié twee beskeie jongmense so besonders maak.

Suksesstories - Episode 9

Die organisasie se naam is sinoniem met hulpverlening, en lankal nie meer nét in Suid-Afrika nie. Lizma van Zyl gesels met die stigter en voorsitter van Gift of the Givers, dr. Imtiaz Sooliman. Hy vertel hoekom hy en sy span dikwels hulle eie lewe in gevaar stel om ander te help, soos onlangs toe hy en sy span in Turkye en Sirië was waar aardbewings verwoesting gesaai het. Lizma gesels ook met mense wat al aan die ontvangkant van dié organisasie se vinnige en doeltreffende ingryping was.

Suksesstories - Episode 8

Lizma van Zyl kuier by beradingsielkundige Hendrie Viljoen van die Paarl. Hendrie gee raad vir mense wat voor groot uitdagings staan, en dalk nie nou die lig op die pad vorentoe sien nie. Hy verduidelik onder meer hoekom dit so belangrik is dat ons veral in moeilike tye uitreik na ander mense.

Suksesstories - Episode 7

Twee mense met wilskrag van staal, en harte wat wawyd oop is vir hulle medemens, deel hulle lewensreis. Lizma van Zyl gesels met Pieter Cronjé en Elzaan van Zyl oor die uitdagings wat hulle onderskeie lewensbedreigende siektes op ‘n daaglikse basis oor hulle pad bring, asook die groei wat dit meebring.

Suksesstories - Episode 6

Haar hart is so groot soos ‘n huis vir kinders en jongmense, veral dié in gebiede waar die donker dikwels meer as die lig is. Lizma van Zyl praat met narratiewe berader dr. Thérèse Hulme oor hoe sy te werk gaan om kinders wat sukkel om hulle stemme te laat hoor, ‘n uitlaatklep gee. ‘n Voormalige leerder vertel ook hoe dr. Hulme sy lewenspad verander het.

Haar hart is so groot soos ‘n huis vir kinders en jongmense, veral dié in gebiede waar die donker dikwels meer as die lig is. Lizma van Zyl praat met narratiewe berader dr. Thérèse Hulme oor hoe sy te werk gaan om kinders wat sukkel om hulle stemme te laat hoor, ‘n uitlaatklep gee. ‘n Voormalige leerder vertel ook hoe dr. Hulme sy lewenspad verander het.

Suksesstories - Episode 5

Dr. Laurie Rauch van Kaapstad was goed op pad om ‘n Springbok driekamp-atleet te word toe tragedie tref.  Lizma van Zyl gesels met dié akademikus oor sy lang pad na herstel, liggaamlik en emosioneel, en die rol wat dit in sy navorsingswerk gespeel het. Hy deel ook van sy tegnieke om te midde van groot druk, kalm te kan bly.

Suksesstories -Episode 4

Hy is nie meer vandag se kind nie, maar sy fut is nog lank nie uit nie. Lizma van Zyl gesels met die legendariese musikant, Sipho Hotstix Mabuse. Dié “gentle giant” van die Suid-Afrikaanse musiekbedryf deel sy vreugdes en passies, en vertel hoekom dit so belangrik is dat die regering jong kunstenaars ondersteun. 

Suksesstories -Episode 3

Lizma van Zyl gesels met mense wat in ‘n stadium so hard op die lewenspad geval het dat opstaan onwaarskynlik was. Tog het hulle uit die puin én pyn herrys, voortgebeur en gebruik nou hulle ervaring om ander te help. Dis nie net mense wat liggaamlike of emosionele trauma beleef het wat hulle stories deel nie, maar ook mense wie se harde werk, toewyding en passie as inspirasie dien vir ander om hulle drome na te streef.

Lizma van Zyl gesels met mense wat in ‘n stadium so hard op die lewenspad geval het dat opstaan onwaarskynlik was. Tog het hulle uit die puin én pyn herrys, voortgebeur en gebruik nou hulle ervaring om ander te help. Dis nie net mense wat liggaamlike of emosionele trauma beleef het wat hulle stories deel nie, maar ook mense wie se harde werk, toewyding en passie as inspirasie dien vir ander om hulle drome na te streef.

Suksesstories

Social links:

12 clip(s)