Johan van Lill praat met dr. Jaco Deacon, bestuurshoof van Fedsas, oor waar ons staan met die BELA-wetgewing en die regulasies waarop tans kommentaar gelewer kan word. Hy beklemtoon dat dit vir ouers, skole en skoolgemeenskappe uiters belangrik is om die komende maand produktief te gebruik om hulle stem te laat hoor. Dit gaan nie net oor die kwessie van kapasiteit nie, maar ook oor die bepalings rakende toelatings wat direk ’n invloed op skole se funksionering en gemeenskappe se inspraak het.

Kenners praat oor opvoedingsontwikkeling en interessante en omstrede sake in die onderwys.

Ons en die Onderwys

Ons en die onderwys 14 September 2025

Johan van Lill praat met onderwyskundige Gregory Marais oor leesontwikkeling in die intermediêre fase - die belangrike oorgang waar leerders beweeg van leer om te lees na lees om te leer. Die gesprek fokus op waarom baie leerders steeds met leesbegrip sukkel wanneer hulle reeds in graad 4, 5 en 6 is, en wat dit vir onderrig in alle vakke beteken.

Ons en die onderwys 8 Maart 2026

Johan van Lill praat met Phillip Harmse, bestuurshoof van UXi Artisan Development, oor ’n kritieke vraag vir Suid-Afrika se toekoms: Kan ’n land funksioneer sonder sterk tegniese- en besigheidsvaardigheid-onderwys? Die gesprek fokus op die direkte verband tussen vaardigheidstekorte en dienslewering, ekonomiese groei en werksgeleenthede. Daar word gekyk na die waarde van beroeps- en vakmanskapsopleiding, hoe praktiese opleiding werkgerigtheid bou, en waarom tegniese en besigheidskwalifikasies as gelykstaande roetes tot sukses beskou moet word.

Ons en die onderwys 1 Maart 2026

Johan van Lill met praat Elsie Harmse, uitvoerende hoof van UXi Artisan Development en medestigter van Africa Skills, oor ’n belangrike verskuiwing in ouerskap: Ouers as loopbaanvennote – nie toeskouers nie. Die gesprek fokus op hoe ouers tieners en jong volwassenes kan ondersteun in hulle loopbaankeuses deur ingeligte gesprekke, realistiese verwagtings en ’n beter begrip van opleidingspaaie en arbeidsmarkrealiteite. Daar word gekyk na die waarde van beroepskwalifikasies, die rol van finansiële beplanning en hoe ouers betrokke kan bly sonder om oor te neem.

Ons en die onderwys 14 September 2025

In 1 playlist(s)

Ons en die Onderwys

Social links

Recent clips