Hy was die man wat namens die Nasionale Party-regering met die ANC onderhandel het om uiteindelik 'n demokratiese Suid-Afrika tot stand te bring. Deesdae is Roelf Meyer Suid-Afrika se ambassadeur in Amerika. Sy politieke memoires het pas op die rakke verskyn. Pieter Steyn het land en sand met Roelf Meyer gesels  oor sy grootwordjare op Kareedouw en Ficksburg, sy indrukke van Hendirk Verwoerd, John Vorster en PW Botha, en paradigmaskuiwe.

Land en sand: Roelf Meyer

Hy is onlangs deur die Suid-Afrikaanse Akademie vir Wetenskap en Kuns vir sy lewenswerk vereer. Boonop het sy biografie pas verskyn. Hy spot met sy lang, maer lyf en sy lang kakebeen. Tobie Cronjé is volksbesit. Tobie het land en sand met Pieter Steyn in sy huis in Johannesburg gesels oor sy grootwordjare, die keer toe hy soos 'n geisja aangetrek het, sy probeerslag om rugby te speel, en sy vriendskap met Katinka Heyns.

Land en Sand: Tobie Cronjé

Van die Grensoorlog in Angola tot vredesoperasies in die Demokratiese Republiek die Kongo. Brigadier-generaal Peter Sereko was langer as 40 jaar 'n soldaat - eers in die Suid-Afrikaanse Weermag, en ná 1994 in die Suid-Afrikaanse Nasionale Weermag. Sy boek, COMMAND: A SOLDIER'S JOURNEY IN THE AFRICAN BATTLESPACE, het pas verskyn. Hy het land en sand met Pieter Steyn gesels oor sy grootwordjare op Kimberley, sy opleiding by 21-Bataljon en sy mening oor die veldslag by Cuito Cuanavale.

Land en sand: Brigadier-generaal Peter Sereko

Sandra Prinsloo  het onlangs haar tweede eredoktorsgraad ontvang van die Noordwes-Universiteit. In 2018 het die Universiteit Stellenbosch ook 'n eredoktorsgraad aan dié Suid-Afrikaanse legende toegeken. Sandra het land en sand met Pieter Steyn gesels oor toekennings, geloof, seiljagvaart, en die liefde.

Land en Sand: Sandra Prinsloo

Hy het vroeër vanjaar sy 80ste verjaardag gevier, en werk al langer as 45 jaar aktief in die Afrikaanse musiekbedryf. Die Liedjieboer, Anton Goosen, dink lank nog nie aan aftree nie, en hou gereeld nog konserte en skryf nuwe liedjies. Anton het land en sand met Pieter Steyn gesels oor sy kleurvolle loopbaan en lewe, sy grootwordjare op Kroonstad, die ontslape politikus, Mosiuoa Lekota wat in sy ouers se tuin gewerk het, en geloof. Die volleige gesprek is by https://omny.fm/shows/op-en-wakker/land-en-sand-anton-goosen

Land en Sand: Anton Goosen (heruitsending)

Terwyl ons op Willowmore met RSG en Virseker se Kultuurkaravaan gekuier het, het ons te hore gekom van 'n legende op Willowmore, Pepi van der Merwe. Pieter Steyn het toe land en sand met Pepi gesels oor sy vrees vir slange, die Royal Hotel op die dorp, waar hy die naam Pepi gekry het, en sy dae op die stadsraad.

Land en sand: Pepi van der Merwe

Sy is Suid-Afrika se voorste netbalspeler, en is al aangewys as die beste netbalspeler in die wêreld. Karla Pretorius het onlangs haar uittrede aangekondig, kort na afloop van die Statebondspele in Engeland, ná 'n suksesvolle loopbaan van byna twee dekades as Protea-netbalspeler. Sy het land en sand met Pieter Steyn gesels oor die hoogte- en laagtepunte in haar loopbaan, en die uitdagings in haar persoonlike lewe, soos ‘n miskraam.

Land en sand: Karla Pretorius

Op 83 jarige ouderdom begin die legendariese regisseur en kinematograaf, Koos Roets, een van die dae weer aan 'n rolprent skiet. Hy is pas deur die Silwerskermfees vereer vir sy lewenslange bydrae tot rolprente in Suid-Afrika. Koos het land en sand met Pieter Steyn gesels oor sy kleurvolle en suksesvolle loopbaan, wat op 'n jong ouderdom saam met nog 'n legende, Jamie Uys, begin het. Koos vertel onder meer van Koöperasietories, Manakwalanders, Faan se Trein, sy ervarings saam met Jim Reeves, en sy groot liefde vir vliegtuie.

Land en sand: Koos Roets

Op negejarige ouderdom is Anita Venter van Niekerk se lewe as 'n plaaskind, uitmekaar geruk toe sy op hulle Oos-Vrystaatse plaas 'n dubbele verkragting oorleef het. Boonop het haar ma haar gevloek, verskree en mishandel. Anita vertel haar lewensverhaal - wat 'n aborsie, alkoholisme en erge trauma insluit - in haar boek, SKADUMEISIE - 'N VERHAAL VAN OORLEWING EN GENADE. Dis Vrouemaand, en geslagsgeweld is in die kollig. Sy het land en sand met Pieter Steyn gesels.

Land en Sand: Anita Venter van Niekerk

Sy het vir 33 jaar lank uitgesaai - die laaste 20 jaar op RSG, waar sy besonders gewild was onder die luisteraars. Die afgelope drie jaar is Amore Bekker steeds besig met haar reis na binne. Amore het land en sand in haar huis in Johannesburg met Pieter Steyn gesels oor kruispaaie, verganklikheid en verlies, hoe sy skaapmis van vagte wol in Nieu-Seeland moes aftrek, haar "Griekse tragedie" en hoekom die binneland van haar menswees, voortdurend ondersoek en ontdek moet word.

Land en sand: Amore Bekker

Elke week gesels Pieter Steyn land en sand met planmakers, bekendes en berugtes. Dis 'n in-diepte, maar informele gesprek sonder enige heilige koeie of taboes.

<p>Elke week gesels Pieter Steyn&nbsp;<em>land en sand </em>met planmakers, bekendes en berugtes. Dis 'n in-diepte, maar informele gesprek sonder enige heilige koeie of taboes.</p>

Land en Sand

Social links:

121 clip(s)