Jan Snyman het diep spore in die sport-uitsaaiwêreld getrap. Hy was eers by radio betrokke en later by televisie. Pieter van den Berg het met Jan gesels.

Jan Snyman se sportuitsaai-loopbaan

Zandberg Jansen het op radio, en later op TV, rugbyliefhebbers as vriende of vyande laat vergader wanneer hy sy rugbybespreking, Springbokbarometer en Spervuur, aangebied het. Luister na die heel laaste barometerbydrae op radio saam met Heinrich Marnitz en Zandberg Jansen.

Zandberg Jansen se Springbokbarometer

Niekie van den Berg was veral bekend vir Sê Wie, maar hy het ook baie sport uitgesaai. Pieter van den Berg gesels met Niekie oor sy sportkommentaar op RSG.

Niekie van den Berg kyk terug op sy sportkommentaar-loopbaan

Marius du Plooy was meer bekend as aanbieder van Monitor en Spitstyd. Hy het egter met heelwat sport te doen gekry tydens sy uitsaaijare in Nederland. Pieter van den Berg het met Marius gesels.

Marius du Plooy se sportervarings in radio

Piet Strydom het as speler en administrateur sy merk in sport gelaat. Hy was ook as opsommer en ontleder by radio betrokke.  Pieter van den Berg beloer saam met Piet sy loopbaan.

Piet Strydom se loopbaan in sport en radio

Die voormalige direkteur-generaal van die SAUK, Steve de Villiers het op sy kenmerkende manier met briljante taalgebruik die ikone en groot sportprestasies en gebeure in Suid-Afrikaanse sport vasgevat in sy reeks, Kantlynkaviaar. Herleef Oom Steve se laaste Kantlynkaviaar, wat hy opgedra het aan Suid-Afrika se sportman van die eeu, Gary Player.

Steve de Villiers se Kantlynkaviaar

Tossie Lochner is net soos radio in Afrikaans, 85 jaar oud. Sy was lank ‘n sportverslaggewer in Italië. Pieter van den Berg het met haar oor daardie jare gesels.

Tossie Lochner dink terug aan haar dae as sportverslaggewer 

Chris Swanepoel was sedert 1983 by Afrikaanse radio betrokke. Pieter van den Berg het hom oor sy sportuitsendings uitgevra.

Chris Swanepoel se krieketkommentaar

Heinrich Marnitz was nie net ‘n sportuitsaaier nie, maar ook sportorganiseerder by die Afrikaanse Radiodiens en Radio Suid-Afrika. Pieter van den Berg het met Heinrich daaroor gesels.

Heinrich Marnitz se dae as sportuitsaaier

In die laaste aflewering van die reeks programme waarin 85 jaar van uitsaai in Afrikaans op radio gedenk word, val die klem op sportgeleenthede wat deur ons top sportkommentators beskryf is. Daar is die trotse oomblikke toe drieë deur ons voorste rugbyspelers gedruk is, soos Syd Nomis, Chester Williams, Breyton Paulse en Frik du Preez. Ons hoor ook van die laaste oomblikke van die titaniese stryd op die tennisbaan toe Suid-Afrika die eerste en enigste keer die Federasiebeker gewen het. Van die atlete wie se glorieryke oomblikke vasgevang is in klank, is Fanie van Zyl, Hezekiel Sepeng, Elana Meyer en Marius Corbitt. Jy sal ook kan luister na grepe uit die eerste Springboktoets vir vroue; oorwinnings in die swembad deur Penny Heyns en Karin Muir; en die Pollock broers en Barry Richards sorg vir trotse oomblikke. Gary Player praat oor die belangrikheid van sport in Suid-Afrika, en daar is die uitsonderlike oomblikke in die kleedkamer toe afrigter Johan Claasen die Springbokspan toespreek na afloop van ‘n grootse oorwinning tydens die onoorwonne Boktoer in Australië.

Magiese mikrofoon - Episode 5

Ons vier 85 jaar van radio in Afrikaans. Die eerste volwaardige radiostasie in Afrikaans het op 27 Oktober 1937 begin uitsaai.

<p>Ons vier 85 jaar van radio in Afrikaans. Die eerste volwaardige radiostasie in Afrikaans het op 27 Oktober 1937 begin uitsaai.</p>

85 Jaar van Afrikaanse Radio

Social links:

18 clip(s)