Lizelle de Bruin gesels met dr. Dave Viljoen van die NG Kerk Kenridge, ds. Rudi Swanepoel van die Andrew Murray gemeente in Johannesburg en ds. De la Harpe le Roux van die Twee Torings gemeente in Bloemfontein as ‘n samevatting van die 13 weke se programme. Die stories van sukses en verandering van mense wat met min - of niks - iets gedoen het, word bespreek.

Way het jy in jou hand 26 Maart 2023

Juanita van As was deel van die afleggings wat baie mense tydens Covid getref het. Sy het besluit om haar besigheid te vestig op iets waarvan sy hou en waarby ander mense kan baat, en so het Hap-pea Salads sy ontstaan gehad. Juanita versprei nou meer as ‘n duisend slaaie per week.

Wat het jy in jou hand 15 Maart 2023

Wat het jy in jou hand 12 Maart 2023

Lizelle de Bruin gesels met Beverly Ann Baron-Chongo van Mitchelsplein oor die biblioteek wat sy in haar motorhuis vir die kinders van die gemeenskap ingerig het. 

Wat het jy in jou hand 5 Maart 2023

Doekies Johnson en haar man Abraham woon in ‘n HOP-huis in Phesantekraal net buite Durbanville. Hulle gee kos vir die gemeenskap want Doekies vertel dat sy weet hoe dit voel om nie kos te hê nie. Sy moes van ‘n jong ouderdom af self in die asgate vir kos skarrel. Die kosgee lei tot veel meer as net magies vol kry, dit verander ‘n hele gemeenskap.

Wat het jy in jou hand 26 Februarie 2023

Die Franschhoek Gasvryheidsakademie help om die werkloosheidsyfer in Suid-Afrika te verminder deur gehalte gasvryheidsopleiding te verskaf aan minderbevoorregte persone in die Franschhoek-area.

Wat het jy in jou hand 19 Februarie 2023

Lizelle de Bruin gesels met An Roets van Malmesbury oor die Bidbeerbediening. ‘n Bidbeertjie sit die boodskap van Jesus (Johannes 3:16) in die hand van ‘n mens wat stukkende, seer en bekommerde mense wil  troos en hoop gee. Hierdie is nie gewone gebreide beertjies nie. Hierdie beertjie is toegedraai in gebede, en elkeen wat so ‘n beertjie ontvang, ontvang ‘n belofte van God. Die Heilige Gees openbaar wie die Bidbeertjie moet kry. Ouderdom tel nie. Dié bidbeertjie is ‘n saam slaap, troetelmaatjie, of selfs ‘n kussinkie onder die kop.

Wat het jy in jou hand 12 Februarie 2023

Die Blou Bus gemeenskapsbediening is 'n geregistreerde Trust Openbare Weldaadsorganisasie wat op die verarmde gemeenskap van Delft fokus, en al langer as 13 jaar met kinders, jeug en gesinne werk om hulle volle lewenspotensiaal te ontsluit. Dr. Izanette van Schalkwyk het die program, Resilient Youth, ontwikkel as deel van haar PhD-navorsing. Pastoor Charles George van Delft het haar genooi om hierdie program in Delft te implementeer.

Wat het jy in  jou hand 5 Februarie 2023

Mense wat in vervalle hutte en in haglike toestande woon, word siek en sterf weens die gesondheidsrisiko's van hierdie strukture. Die ellendige toestande wurg die potensiaal van mense wat in hierdie haglike omstandighede leef. Sommige hutte het geen vensters nie, en sommige het vensters wat nie kan oopmaak nie, wat lei tot ou lug, reuke en muf in die hut. Dit is van die omstandighede wat Quinton Adams en sy span verander deur vir mense wat in informele nedersettings bly, behoorlike strukture te verskaf.

Wat het jy in jou hand? 29 Januarie 2023

Lizelle de Bruin gesels met Adri Klindt en ds. Rudi Swanepoel oor die werk wat Huis Jabes doen. Huis Jabes is 'n nie-winsgewende organisasie wat ‘n tydelike tuiste bied aan slagoffers van uiterste mishandeling. Hulle missie is om slagoffers te help genees deur vir elke aspek van hulle lewe te sorg - sielkundig, fisies en geestelik.

Wat het jy in jou hand 22 Januarie 2023

In die Bybelboek, 1 Konings, kry ons die verhaal van die weduwee van Sarfat, wat sonder meel en olie was. Sy was egter bereid om die min wat sy het te deel, en daarmee het God ‘n wonderwerk gedoen. In die wêreld vandag is daar steeds sulke stories. Lizelle de Bruin gesels met mense wat baie met min doen, en sodoende die wêreld ‘n beter plek maak.

<p>In die Bybelboek, 1 Konings, kry ons die verhaal van die weduwee van Sarfat, wat sonder meel en olie was. Sy was egter bereid om die min wat sy het te deel, en daarmee het God ‘n wonderwerk gedoen. In die wêreld vandag is daar steeds sulke stories. Lizelle de Bruin gesels met mense wat baie met min doen, en sodoende die wêreld ‘n beter plek maak.</p>

Wat het jy in jou hand

Social links:

13 clip(s)