Lizelle de Bruin praat met dr. Stephan Joubert van die E-Kerk en E-Universiteit oor wat ons teologies kan leer oor God se ekonomie van barmhartigheid uit die storie van die weduwee van Sarfat.

Wat het jy in jou hand 29 Junie 2025

Die 80-jarige boer en entrepreneur, John Kotzé van Senekal, vertel van sy betokkenheid by die herstel van slaggate op Senekal.

Wat het jy in jou hand 22 Junie 2025

Ma’s vir Wellington is ’n nie-winsgewende organisasie wat sedert 2007 ’n lewensbelangrike rol in die Wellington-gemeenskap speel. Hulle fokus op kwesbare kinders, gesinne, vroue en volwassenes met intellektuele gestremdhede. In een van die buitewyke het hulle ’n kleuterskool, wat nie net basiese opvoeding bied nie, maar ook die nodige voeding, eerstehulpleiding, en sosiale intervensie. Boonop bied hulle drie dae per week 'n oppasdiens en verskeie aktiwiteite vir volwassenes met gestremdhede uit die gemeenskap. ’n Ander kerninisiatief is die Bybelstudiegroep wat saam met die ma’s van die kleuters gereël word om nie net hulle kinders se holistiese groei te ondersteun nie, maar ook die ma’s se geestelike en emosionele lewe te verryk. Ma’s vir Wellington bedien tans sowat 155 huishoudings in Carterville, Weltevrede, Van Wyksvlei, Hillcrest, New Rest en ander dele van Wellington.

Wat het jy in jou hand 15 Junie 2025

Ds. Enel Lambrechts en dr. Albert Alberts vertel hoe die kankerbediening by die Knysna NG nie net fisiese en emosionele ondersteuning bied nie, maar mense ook help om krag en hoop in hulle geloof te vind. Enel is leraar by die Knysna-gemeente, en dr. Alberts 'n afgetrede onkoloog. Hy lei ’n span wat bestaan uit mediese kundiges en mense wat self deur kanker is. Saam bied hulle ’n holistiese benadering wat praktiese hulp, emosionele ondersteuning en ’n nuwe manier van kyk na lyding en genesing insluit – ’n manier wat gegrond is in Christus se oorwinning.

Wat het jy in jou hand 8 Junie 2025

Schalk Burger is ‘n bourekenaar, en voorsitter van Shiloh Synergy, wat in 2004 die Klippie Kids Pre-Primêre Skool in Klipheuwel gestig het. Hierdie skool, wat deel is van Shiloh Synergy, bied nie net gehalte vroeë kinderontwikkeling aan nie, maar fokus ook op gesondheid, vaardigheidsontwikkeling en gemeenskapsbetrokkenheid. Die unieke JES-kurrikulum, wat elemente van die Bybel se skeppingsverhaal, Montessori en die nasionale kurrikulum kombineer, berei kinders voor vir die lewe, nie net vir die skool nie.

Wat het jy in jou hand 1 Junie 2025

Huis Jabes is 'n veilige huis wat skuiling bied aan vroue en kinders wat slagoffers van huishoudelike geweld is. Hier ontvang hulle nie net fisieke veiligheid nie, maar ook emosionele ondersteuning, berading en geleenthede om weer op hulle voete te kom. Onder die leiding van Adri Klindt, 'n toegewyde en passievolle vrou met 'n hart vir genesing en herstel, speel Huis Jabes 'n belangrike rol in die lewe van vroue wat weer hoop en waardigheid wil vind.

Wat het jy in jou hand 25 Mei 2025

Pastoor Kurt Olivier en Pastoor Stan Turketti van Issakhar Ministries praat oor hulle bediening in Mitchell's Plain. Hulle is beide oudpolisielede.

Wat het jy in jou hand 18 Mei 2025

Boesman Loftus, die leierouderling by die Jagersfontein NG-gemeente, en James Ross wat voorheen die leierouderling was, vertel van hulle ervaring van die slikdamramp wat Jagersfontein in 2022 getref het. Dis die storie van ‘n gemeente wat sonder ‘n predikant moes opdaag vir ‘n gemeenskap, want die kerk is só deel van die gemeenskap, en is gewoonlik die eerste plek waar mense gaan soek vir hulp.

Wat het jy in jou hand 11 Mei 2025

Ds. Hendrik Conradie van Virginia vertel van die impak van die groentetuin wat hulle by die Sentrum vir Bejaardes aangeplant het.  Ds. De La Harpe le Roux sluit die program af met ‘n kort samevatting oor diensbaarheid.

Wat het jy in jou hand 4 Mei 2025

Sophie Hendriks, Jolandi van Wyk en Yvonne Barnard van Villiersdorp se Tools4Life-projek praat oor hulle werk en die impak daarvan op die gemeenskap.

Wat het jy in jou hand 27 April 2025

In die Bybelboek, 1 Konings, kry ons die verhaal van die weduwee van Sarfat, wat sonder meel en olie was. Sy was egter bereid om die min wat sy het te deel, en daarmee het God ‘n wonderwerk gedoen. In die wêreld vandag is daar steeds sulke stories. Lizelle de Bruin gesels met mense wat baie met min doen, en sodoende die wêreld ‘n beter plek maak.

<p>In die Bybelboek, 1 Konings, kry ons die verhaal van die weduwee van Sarfat, wat sonder meel en olie was. Sy was egter bereid om die min wat sy het te deel, en daarmee het God ‘n wonderwerk gedoen. In die wêreld vandag is daar steeds sulke stories. Lizelle de Bruin gesels met mense wat baie met min doen, en sodoende die wêreld ‘n beter plek maak.</p>

Wat het jy in jou hand

Social links:

26 clip(s)