Umbutho woonotaxi eNtshona Koloni iCATA, uthi uzinqumamisile iinkqubo kuyo yonke imizila ekwiCape Flats eKapa ngenxa yodushe oluqhubayo kwirenki yaseNyanga. Usosiba walo mbutho, uNkululeko Sityebi, uthi oku kulandela izityholo zokutshiswa kwee taxi nokubulawa kwabantu kule renki. Kwiveki egqithileyo kutshiswe ii taxi ezintlanu konakaliswa ezine. Akhomntu wonzakeleyo kwaye akukabanjwa mntu ngezi zenzo. ICata ithi ziya zibasisiqhelo ezi ziganeko. Noxa kunjalo, iCodeta yona ithe ayizukuthatha nxaxheba kolu qhankqalazo.