Kubonakala zisekho iziganeko apho abasebenzi bejamelana nemingeni yokuxhatshazwa emisebenzini, nangona imithetho yeli inxamnye noko. Kwisiganeko sakutsha nje, inqununu yesikolo samabanga aphantsi i-Marietjie van Niekerk kwiphondo iMpumalanga, ityholwa ngokuphatha gadalala abasebenzi besisikolo. Le nqununu ityholwa ngokwenza iintetho ezinesincwaso, ibagrogrisa ngokubabetha ootitshala abangamanina abanokukhulelwa besebenza kwesisikolo, nokuba banxibe iimpahla ezithile, phakathi kwezinye izinto. Ukwatyholwa nangobusela ngenxa yokuba eyalele ootitshala ababini ukuba bathumele imivuzo yabo kwi-account yakhe yebhanki. Ezititshala ziqeshwe lisebe phakathi kunyaka u2024, nangona kunjalo isebe laye lacotha ukuzihlawula imivuzo yokuqala, nento ekhokhelele ekubeni isikolo sizihlawule ngokwaso phantsi kwemiqathango yokuba zizakuyibuyisa imali xa zihlawulwe lisebe.  Iingxelo zivakalisa ukuba amanye amatyala okuphathwa gadalala nokugrogriswa emisebenzini awafikeleli kwabasemagunyeni ngenxa yoloyiko lokuxhatshazwa ngakumbi nokuphelelwa yimisebenzi.