Ngabafundi ababalelwa kumakhulu asibhozo namashumi amabini anesibini (822) abasaqhubayo nokufumana inkxaso-mali kuNSFAS, noxa bechazwa njengabaabhubhayo lisebe lemicimbi yekhaya. Oku kuvele kuphando obeluqhutywa ngumphicothi jikelele malunga nokuphathwa gwenxa kwemali kwa NSFAS. Le ngxelo ikwadize ukuba kuxhaswa nabafundi abangaphaya kwamawaka alishumi elinesine abangekho selungelweni lokuxhaswa, nanjengoko bephuma kumakhaya angasokoliyo. Umbutho wabafundi eMzantsi Afrika, iSAUS, uvakalise inkxalabo yile ngxelo usithi kukho imfuneko ekhawulezileyo yohlaziyo oluluqilima ngaphakathi ku NSFAS.