Imanyano yabasebenzi (NEHAWU) eMpuma Koloni, ityhole ibhunga leziko lemfundo ephakamileyo iFort Hare ngokucotha ukuthatha amanyathelo ngakwingqonyela uNjingalwazi uSakhele Buhlungu. Izolo, ibhunga lelizikomfundo liqinisekisile kwimbalelwano ukuba uBuhlungu unqunyanyisiwe ngelixa kulindwe iziphumo zenkqubo yoluleko. Esisigqibo silandela uphando kwindlela ekuqeshwe ngayo abalawuli belizikomfundo ababini. Ukanti ngokwengxelo yelizikomfundo, uphando lufumanise ukuba abaphathi abakwizikhundla eziphezulu abane abaquka uBuhlungu basilele ukuthobela imiqathango yesolotya lika 19.9 lomthetho welizikomfundo, nto leyo ethethe ukuba ukuqeshwa kwesisibini kweliziko yayingesosigqibo sebhunga.