Intloko yecandelo lolwaluphulo-mthetho olucetyiweyo esipoliseni enqunyanyisiweyo, uGeneral Richard Shibiri, ityhole ngelokuba ingqina u-Witness A  eliye lamkhankanya kubungqina balo kwikomishoni kaMadlanga , lathenjiswa ngokonyuselwa isikhundla ukuba nje linganikezela ngeenkcukacha ezithile ngaye. U-Witness A wanikeza ubungqina bokuba uGeneral Shibiri wazama ukungenelelela kuphando lokubulawa kwenjineli yase Vereeniging, uArmand Swart, ngo 2024. U-Shibiri uthi kamva uWitness A waye wonyuselwa wafumana isikhundla sika Warrant Officer.