Ingcali yemipu ephezulu kwicandelo lophando-nzulu esipoliseni, uCaptain Solomon Modisane, inikezela ngobungqina namhlanje kwiKomishoni kaMadlanga. Izolo, ingcali yemipu uBrigadier Mishek Mkhabela, inike iinkcukacha ngokungabikho kwabasebenzi aboneleyo kwii-laboratory zophando-nzulu esipoliseni, ukwanda kwamatyala angekagqitywa abandakanya imipu, kunye nemibuzo malunga nendlela obuphathwa ngayo ubungqina. Ubungqina bakhe buveze izityholo ngoongcothoza kwinkonzo yesipolisa abathubelezise iinkcukacha ezivele kwingxelo engohlolo lwemipu, kuquka nezityholo zongenelelo kuphando ngesiganeko sokubulawa kwenjineli yaseVereeneging, uArmand Swart.