Icandelo lophando elikhethekileyo i-SIU ngamafuphi, lithi kugxothwe amagosa esebe lezekhaya angamashumi amabini kwaze kwanqunyanyiswa amanye alishumi elinesithandathu kulandela izityholo zolawulo olugwenxa kwisebe lezekhaya. Uphando olwaqala kwinyanga ka Tshazimpunzi ngo-2024, lujolise kwiinkqubo eziqhubekayo ezibandakanya ubuqhophololo bamaxwebhu, ii-visa kunye namaphepha-mvume okusebenza, ukukhohlisa kunye nothungelwano oluququzelela ukungena ngaphandle kwemvume eMzantsi Afrika. Olu phando luphinde lwadiza ukubandakanyeka kwabefundisi bamazwe angaphandle kunye namagosa athile esebe, ekutyholwa ukuba asebenzisana nababefundisi. Uphando ludize inzuzo yemali engaphaya kwekhulu lezigidi zeerandi ngabarhanelwa kwizenzo zobuqhophololo.