Iimanyano zeetitshala kweli ziyawakhusela amalungelo okufunda abantwana babemi bangaphandle abangabhaliswanga ngokusemthethweni, zisithi abantwana mabangohlwayelwa izenzo zabazali babo. Oku kulandela isankxwe esibangelwe yimimiselo yomthetho wemfundo esisiseko (Bela) Act,  osandul'ukupapashwa kumqulu karhulumente, ebutsheni balenyanga. Kusenjalo, imibutho efana nooDudula igrogrise ngokuba kunyaka ozayo izakugqogqa izikolo, igxothe abantwana abangenazimpepha zokuba kweli.