Obambele njengosekela mkomishinala wamapolisa kwicandelo elibeke esweni ulwaphulo mthetho kuzwelonke, uLieutenant General Hilda Buthelezi, unikezela ngobungqina kwikomiti yethutyana epalamente, ephanda ubuqhophololo, ulwaphulo mthetho kwakunye nongenelelo lwepolitiki kwicandelo lezobulungisa. Kukwalindeleke ukuba inkokheli yombutho iNational Coloured Congress uFadiel Adams, ibuyele kwakho ukunika ubungqina phambi kwalekomiti ngokubhangiswa kweqela elilodwa elalisekelwe ukuphanda iziganeko zokubulawa kwabantu, ngokwayamene nezopolitiko.