Ligalelekile iqela labacimi mlilo e-St Francis Bay eMpuma Koloni, ukuzakuncedisa ukucima umlilo wamadlelo owongamele lommandla. Iingxelo zithi lomlilo udale umonakalo kwizakhiwo zase-Krommer River nedolophu i-Smith kumasipala wase Kouga. Kusenjalo, uvuliwe uhola wendlela uN2 phakathi kwe Jeffrey's Bay neHumansdorp, nobevaliwe ngenxa yokunwenwa kwalomlilo ochaphazele imimandla eliqela kweliphondo. Indlela uR102 ibixinene mpela ngalentsasa nanjengoko izithuthi ezininzi bezithunyelwa kulendlela. Nangona kunjalo, zikhona iindlela ezisavaliweyo ngaphakathi eJeffrey's Bay nase St Francis Bay, nanjengoko umlilo usavutha kwezinye iindawo.