Umhleli weendaba zepolitiki eSABC uMzwandile Mbeje, ebeno dliwano-ndlebe olukhethekileyo nengqonyela yeqela iAfriForum, uKallie Kriel. Oku kuza emva kwezityholo eziliqela ngakwiAfriforum kuquka ukunwenwisa ulwazi olungachanekanga eMelika, lokuba uMzantsi Afrika ucinezela abantu abamhlophe kweli. Ngethuba umongameli uCyril Ramaphosa ephawula kule miba, ukubethelele ukubaluleka kokusonjululwa kweengxaki zangaphakathi kweli, kungafunwa uncedo kumazwe angaphandle.