Umongameli uCyril Ramaphosa uthi iNgxoxo yeSizwe ezayo ayizukwenzeka ngosuku olunye kodwa izakwenzeka ngokwezigaba eziqala kwiindibano zothethwano zasekuhlaleni,  kunye neengxoxo zamacandelo. IKomiti kazwelonke yokuLungiselela lengxoxo iqikelela ukuba lomsebenzi uzakuxabisa ngaphezulu kwezigidi ezingamakhulu asixhenxe zeerandi, nto leyo ebangele izigxeko  yimibutho yabasebenzi, eyopolitko nemibutho yoluntu. Phakathi kwemiba ekuzakuqutyiswana nayo kwezi ngxoxo kukungalingani ngokwentlalo, intswelangqesho, intlupheko, ezolawulo, impatho-mbi yamanina nobuhlanga, phakathi kwezinye..