Inani labakhwetha ababhubhileyo eMpuma Koloni linyuke laya kutsho kwishumi elinesixhenxe kweli xesha lolwaluko lasehlotyeni. Abakhwetha abaninzi ababhubileyo baphuma kwisithili sase OR Tambo, nalapho kubhubhe abakhwetha abathandathu, kulandela isithili saseAmathole nalapho kubhubhe abakhwetha abane. Usekela mphathiswa wesebe lemicimbi yezemveli, uZolile Burns-Ncamashe bekuhambo lwentsuku ezintathu kwiphondo leMpuma Koloni, ehambela izikolo zolwaluko ekwadibana nenkokheli zemveli. Uhambele isithili i-Alfred Nzo, i- OR Tambo nomasipala ombhaxa iBCM.  UNcamashe ukuqaphele ngenkxalabo ukubakho kwakho kwezikolo  zokwaluka ezingekho mthethweni kwezinye iindawo zeli phondo.