Iarhente ejongene nolawulo lweendlela iRoad Traffic Management Corporation (RTMC), ibongoza abaqhubi ukuba bangangeni ezindleleni bezintyintye ngotywala ngeli xesha iintsapho zizakube zisonwabela ixesha leziyunguma. Ukuqala izolo de kube ngumhla wamashumi amabini anesine kule imiyo, kulindeleke ukuba iintsapho zityelele izizwalwane zazo, kuquka namakhaya azo, ukuya kuchitha ixesha leeholide zehlobo. Ngenxa yokugcwala kwezithuthi ezindleleni, oku kungabangela iingozi zendlela, ingakumbi ezidalwa kukuba abaqhubi beqhuba besele utywala. Ngokomthetho wezendlela eMzantsi Afrika, kukho umlinganiselo oqingqiweyo wokusela utywala, ingakumbi kwabo bazakuba sendleleni.