Abahlali nabezoshishino eKenton-On-Sea, eBushman's River naseMarselle, phantsi komasipala wasekuhlaleni iNdlambe kwiphondo iMpuma Koloni, bathi iliqela iminyaka benengxaki yamanzi kulo mmandla. Ukuvalwa kwamanzi kwakutsha nje kuthathe isithuba esingaphezulu kweeveki ezimbini, ntoleyo enyanzelise abezoshishino ukuba bangene nzulu kwiipokotho zabo ukuze babenokuqhuba noshishino ngexesha leeholide zokuphela konyaka. Amatanki amanzi ebebonelelwa ngumasipala awakhange awonele umthamo woluntu kule mimandla, nanjengoko bekukho isidingo esimandla kunamanzi ekubonelelwa ngawo uluntu, ingakumbi ngexesha likaxakeka leeholide zehlobo.