Kule veki ikomiti ejongene nemicimbi yokhuseleko lwesizwe nomkhosi wamagqala eli epalamente, ibibambe indibano neengcali ezijongene nokhuseleko lwesizwe kwakunye nezicwangciso zomkhosi, eziphuma kwi Yunivesithi yase Stellenbosch kwakunye neziko iMapungubwe Institute for Strategic Reflection (MISTRA). Oku kuza nanjengoko uMongameli uCyril Ramaphosa ebhengeze ukutyalwa kwamajoni kwiindawo ezithile eziquka iNtshona Koloni ne Mpuma Koloni, azakuncedisana nokulwa ulwaphulo mthetho. Iingcali ebeziyinxalenye yalendibano zivakalise ukuba nangona ukutyalwa kwamajoni kubonwa njenge sisombululo sethutyana, elinyathelo ikwaluphawu olubonisa ukuba amapolisa kunzima ukuba enze umsebenzi wawo ngokugqibeleleyo. Nangona kunjalo, zikwalumkise ngelithi ukubhenela kumajoni njenge sisombululo sexesha elide kunganeziphumo eziyingozi ukuba agcinwe ixesha elide. Zikwaphakamise inkxalabo ngemigaqo nkqubo elawula ukusetyenziswa kwamajoni. Ngaxeshanye, umphathiswa wezezimali uEnoch Godongwana, ngexesha esenza uhlahlo lwabiwo mali kule veki, ubhengeze uchatha we R2.7 billion owabelwe umkhosi ozakuncedisa ukuqubisana nemingeni elicandelo elijongene nayo.