Idale ukubethana kwezimvo intetho yolwabiwo mali yomphathiswa uEnoch Godongwana ayenze emva kwemini namhlanje. Abantu abafana nenkokheli ye-EFF uJulius Malema, bathi lentetho yolwabiwo mali, ayiniki sicwangciso sicacileyo esingokuhlumisa uqoqosho. Ngaxesha nye, ezinye iimanyano zabasebenzi, zinyanzelisa ukuxhaswa kwamacandelo aquka elempahla nomqhaphu, phakathi kwamanye, kwaye zivumelana ngokuba ngaphandle kokuvuselelwa kwamacandelo alapha ekhaya, ingeniso izakuba phantsi koxinizelelo, kwaye yande nentswelangqesho.