Uchongwe njengentloko yegunyabantu lezotshutshiso elandelayo uAdvocate Andy Mothibi, kulandela inyathelo likaMongameli Cyril Ramaphosa lokusebenzisa amagunya akhe ngokoMgaqo Siseko, naqulathwe kwisolotya uSection 10 lomthetho ojongene negunyabantu lezotshutshiso, iNPA Act 32 of 1998 ngolwasemzini. Oku kuza emva kokuba igqiza ebelithwaliswe uxanduva lokuhlola abagqatswa abathandathu ebebegxeleshe esisikhundla, ze linike iingcebiso kuMongameli, likhuphe ingxelo endulula ngelokuba akukho namnye kubo ofanele ukungena kwesisikhundla. UAdvocate Andy Mothibi, okhokela icandelo lophando elikhethekileyo i-SIU ngalomzuzu, kulindeleke ukuba angene kwesisikhundla ngomhla wokuqala kwinyanga ezayo, nanjengoko lifikelela esiphelweni ixesha lentloko yeNPA, uShamila Batohi.