Ibhunga lophando ngezolimo, i-Agricultural Research Council, lichulumancile ngokuba yinxalenye yosuku lomsitho wokuboniswa kweemveliso zolimo, iNAMPO Harvest Day, nobanjelwe eBothaville, kwiphondo laseFreystata. Lomsitho uqala namhlanje uphele ngomhla weshumi elinesixhenxe. Kunyaka ophelileyo, lomsitho ubutsale umdla weendwendwe ezingamawaka angamashumi asibhozo anesithandathu, namakhulu amane anamashumi asixhenxe anesine, 86,474. Lomsitho ubanjwa minyaka le, udibanisa amafama, abathathi nxaxheba base burhulumenteni, iingcali kwakunye neendwendwe eziphuma kwihlabathi liphela.