Inkundla kaMantyi yaseRhawutini, ngoLwesibini weveki ezayo, izakuphulaphula isicelo esitsha sebheyile sikantamnani, uBrown Mogotsi. Izakuba lityeli lesine uMogotsi ezama ukufumana ibheyile, emva kokuba izicelo zakhe ezibini zangaphambili zaakhatywa yile nkundla, ze esesithathu sachithwa yinkundla ephakamileyo yaseRhawutini. Ukubanjwa kwalo somashishini waseMntla Ntshona, kulandela ukuvela kwakhe kwiKomishoni kaMadlanga. Ujamelene namatyala aliqela aquka ukuxoka phantsi kwesifungo, ukuxaba endleleni yobulungisa, nokuba nompu ngokungekho mthethweni. Kutyholwa ukuba oku wakwenza emva kokupheka iyelenqe lokwenza ngathi kwakukho iinzame zokumbulala eVosloorus, kwiMpuma yeRhawuti.