Kuqhambuke umbhodamo kwikomishoni kaMadlanga namhlanje, ngethuba usomashishini uStuart Scharnick onobudlelane nosekela mkomishinala wamapolisa onqunyanyisiweyo, uShadrack Sibiya, ebanjwa ngamapolisa. Ukubanjwa kukaScharnick kuza emva kokuvulelwa ityala lokugrogrisa yintatheli ethi ixoxisiwe emva kokwenza ushicilelelo lwevideo luka Scharnick. Le ntatheli yephephandaba iSowetan, uHerman Moloi, ixelele icandelo leendaba le SABC ukuba uScharnick uze kuye wamkhomba ngethuba emthethisa ngale nyewe. Oku kwenzeke ngethuba kuvele phambi kwale komishoni ilungu lePalamente lombutho iNational Coloured Congress, uFadiel Adams.