Ibhodi yolawulo lwesikolo kwisikolo samabanga aphantsi kwaNonkcampa eQonce kwiphondo iMpuma Koloni, iligxekile isebe lemfundo ephondweni ngokusilela ukuthatha amanyathelo kwizityholo zokuba kukho ititshala engasihambi kakuhle isikolo. Aba bazali bagqibe kwelokuba basivale esi sikolo ngoMvulo, kwilinge lokuvakalisa inkxalabo yabo ngetitshala ehlohla ulwimi lwesiXhosa kumabanga uGrade4, Grade5 no Grade6, nengayiyo emsebenzini ishiya abafundi bedinga. Ebutsheni balo nyaka isebe lemfundo libhengeze ukuba wehlile umyinge wokuphunyelelwa kolwimi lwesiXhosa kwibanga leshumi, kwaye abazali bathi lemeko iqhubeka kwesi sikolo yenye yezinto ezinegalelo kule ngxaki