Kubikwe iziganeko zokungcungcuthekisana kwabafundi kwisikolo i Ndyebo eGqeberha, kwiphondo iMpuma Koloni. Abazali bathi isikolo khange sithathe manyathelo ngaba bafundi batyholwayo. Ezi zityholo zokungcungcuthekisa ziquka ukubetha nokuthetha izinto ezikhubekisayo emphefumlweni. Kuvakala ukuba oku kwenzeka nangaphandle kwamasango esikolo, ntoleyo ebangela ukuba boyike abafundi ukugoduka nanjengoko abo babangcungcuthekisayo bebagrogrisa ngokubabetha emva kwesikolo. Ikomiti yasePalamente yemfundo esisiseko, ivakalise inkxalabo ngokungcungcuthekisana kwabafundi kweli phondo, yaye ziziganeko ezingaphezulu kwamawaka amathathu ezibikiweyo ngonyaka u2025.