Abapapashi beencwadi eMzantsi Afrika, iOxford University Press SA (OUPSA), baphehlele uhlobo lwencwadi ye Braille ethi Aweh. Ngokwengxelo ye OUPSA, oluhlobo lwencwadi zezinye zeenzame zokukhawulelana nesimemelelo sesebe lezemfundo sokuqukwa kwabafundi abangaboniyo kwimfundo yeli, kwakunye nokuqinisekisa ukuba wonke ubani uyabandakanyeka kwimfundo efikelelekayo nekumgangatho ophezulu. I-OUPSA ithi kungokunje abafundi bamabanga aphantsi abangaboniyo kweli bayakwazi ukufikelela kwezincwadi zohlobo lwe Braille, simahla. Kusenjalo, i-OUPSA inikezele ngeencwadi zezifundo ze Braille zasimahla kwisikolo sabantu abangaboniyo eAthlone, kwiphondo iNtshona Koloni.