NP Van Wyk Louw is op 11 Junie 1906 gebore, en op 18 Junie 1970 oorlede. Ter herdenking hiervan kan jy luister na ‘n argiefopname oor sy lewe en werk. Dis in 2006 saamgestel deur Daniël Hugo, en bevat baie interessante inligting oor die digter. Ilse Salzwedel gesels met die geskiedkundige en skrywer, Karen Horn, oor haar boek. PRISONERS OF JAN SMUTS - ITALIAN PRISONERS OF WAR IN SOUTH AFRICA IN WWII, wat handel oor Zonderwater se Italiaanse krygsgevangenes. Johan Myburg het nuus oor ‘n handgeskrewe manuskrip van Albert Camus wat onlangs vir R13,4 miljoen op ŉ veiling in Parys verkoop is, en nuwe internasionale boeke wat hy kan aanbeveel.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 12 Junie 2024

Ilse Salzwedel gesels met Hettie Scholtz, een van die staatmakers in die Afrikaanse uitgewersbedryf – eers as uitgewer, later as boekjoernalis en vir die laaste dekade as die sameroeper van die KykNET/Rapportboekpryse, die belangrikste Afrikaanse letterkundepryse. Hettie was vir jare aan die hoof van HAUM-Literêr en was die stigter-eienaar van Quellerie Uitgewers. Skrywers soos Marlene van Niekerk se TRIOMF en verskeie van Jeanne Goosen se werke is deur Hettie uitgegee, en sy was instrumenteel in talle bekende skrywers se loopbane. Johan Myburg vertel meer oor DUSKLANDS, J.M. Coetzee se eerste roman wat vanjaar 50 jaar gelede verskyn het. Jy kan ook luister hoe Coetzee ‘n kort stukkie voorlees uit sy 2013-roman THE CHILDHOOD OF JESUS.

Skrywers en boeke 19 Junie 2024

Jy het seker al die naam Rumi iewers raakgelees, maar wie was hierdie digter en filosoof wat ook al die Shakespeare van die Midde-Ooste genoem is? Ilse Salzwedel gesels met dr. Dietlof van den Bergh, wat ‘n keur van Rumi se werk in Afrikaans vertaal het. Die joernalis, AJ Opperman, vertel waar sy belangstelling in skrywers en boeke ontstaan het, en gesels oor sy gunstelinge. Johan Myburg het nuus oor die wenner van die Dublin-letterkundeprys, en hy bring hulde aan die skrywer, Shirley Conran, wat onlangs oorlede is. Jy kan ook luister na ‘n argiefopname uit 1962 waarin die digter, Robert Frost, een van sy eie gedigte voordra.

Skrywers en boeke 5 Junie 2024

Ilse Salzwedel gesels met Karl Kemp oor ‘n fassinerende nie-fiksie boek met die titel WHY WE KILL: MOB JUSTICE AND THE NEW VIGILANTISM IN SOUTH AFRICA. Hierin probeer Kemp, wat ‘n Meestersgraad in Internasionale Reg het, ‘n verklaring vind vir die toename in geweld in Suid-Afrika. Johan Myburg stel ons voor aan Jenny Erpenbeck wie se boek, KAIROS, verlede week met die International Bookerprys bekroon is, en vertel meer oor ‘n nuwe letterkundeprys wat ingestel is om klimaatfiksie te bevorder.

Skrywers en boeke 12 Junie 2024

In 1 playlist(s)

Skrywers en Boeke

Social links

Recent clips