3 Julie 2026: Pogings word voortgesit om bek-en-klouseer die nekslag toe te dien. Noue samewerking tussen boere, veeartse en die regering is besig om vrugte af te werp. Die minister van landbou, ekonomiese ontwikkeling en toerisme in die Wes-Kaap, dr. Ivan Meyer, bring ons op hoogte van die stand van sake. Ons hoor wat alles in die jongste uitgawe van die gratis landboutydskrif, Agriprobe, gelees kan word. Die wynmaker by De Grendel, Morgan Steyn, praat oor die waarde van mentorskap in die landbou.

RSG Landbou

RSG Landbou: Geveg teen bek-en-klouseer besig om vrugte af te werp

2 Julie 2026: Studente, gegradueerdes en nagraadse studente het die geleentheid om eersdaags by drie Suid-Afrikaanse universiteite met rolspelers van die landbousakewêreld te praat. Marianne van der Laarse van Agrijob gee besonderhede. Ons praat met André van der Heyde oor die Boschoek Bonsmara en Vriende-produksieveiling op 17 Julie by Bela-Bela, en met Don McHardy van Reeba Red Booster Beef oor hulle veiling op 7 Julie by Nottingham Road Brahman. Johan van den Berg is op sy pos met die weervooruitsigte, en Chris Derksen gee terugvoer oor die vleispryse wat hierdie week in die Noord-Vrystaat behaal is.

RSG Landbou: Netwerkgeleenthede by drie universiteite

1 Julie 2026: Die minister van landbou, John Steenhuisen, het op 24 Junie die langverwagte beheermaatreëls vir die bestuur van bek-en-klouseer afgekondig ingevolge Artikel 9 van die Wet op Dieresiektes. Wat is die implikasies daarvan vir die landbousektor, veral vir beesvleisprodusente? Die impak van verhoogde koolstofdioksiedvlakke op weiding is in talle streke van Suid-Afrika duidelik sigbaar. Dr. Justin du Toit sal einde Julie by die Weidingsvereniging van Suidelike Afrika se kongres terugvoer gee oor die navorsing wat hy op dié gebied gedoen het.

RSG Landbou: Implikasies van bek-en-klouseer-beheermaatreëls

30 Junie 2026: Produsente in Noordwes, Mpumalanga en Limpopo kan nou ou en onbruikbare plaagdoders gratis laat verwyder. CropLife SA se Program vir Produkverantwoordelikheid bied hierdie diens tot einde Julie vanjaar gratis aan. Dr. Gerhard Verdoorn verskaf meer besonderhede. Hoe herstel ’n sektor soos die wynbedryf van vloedskade, en hoe beplan hulle vir uitdagings soos die laer-alkohol-beweging, beleidsveranderinge en nuwe markte? Rico Basson van South Africa Wine beantwoord ’n paar vrae oor hulle vyfjaarplan. Ons praat ook met dr. Mackie Hobson, ’n veearts, oor die welstand van plaaslike sybokhaarkuddes.

RSG Landbou: Geveg teen bek-en-klouseer besig om vrugte af te werp

In 1 playlist(s)

RSG Landbou

Social links

Recent clips