1 Augustus 2026: Wat en waar is die oudste (190 jaar) lewende dier? Daar is ander spesies wat tot 500 jaar oud kan word! Ons vind uit wat biologiese immortaliteit behels.

RSG Landbou

RSG Landbou: Biologiese immortaliteit

31 Julie 2026: Van 45 grade-hitte wat sitrusboorde in Citrusdal verskroei, tot swaar reën wat tafeldruifwingerde benadeel: Suid-Afrikaanse produsente raak al hoe meer vertroud met een van die grootste uitdagings van moderne landbou - weeruiterstes wat gewasse onder erge fisiologiese stres plaas. Die Jack Human Bewaringslandbouweek word van 5 Augustus af aangebied. Professor Johann Strauss van die Wes-Kaapse Departement van Landbou, vertel waarna produsente kan uitsien. Pieter Brune van die nuwe Landbou-innovasie Hub in Stellenbosch, vertel van werksgeleenthede in die landbousektor.

RSG Landbou: SA boere al hoe meer vertroud met weeruiterstes

30 Julie 2026: Landbouvakke word deesdae in al hoe meer hoërskole in Suid-Afrika aangebied. Dis nou ook die tyd van die jaar wanneer skoolleerders loopbaanbesluite moet maak en instansies vir verdere studie oorweeg. Shaun Welmans van Agri Skills Transfer beantwoord ‘n luisteraarsvraag oor erkende kwalifikasies wat ‘n kandidaat by ‘n tersiêre instelling kan verwerf. Johan van den Berg is terug met hierdie week se landbouweervooruitsigte. Chris Krugell van Bloemendal Bonsmaras praat oor hulle veiling van 12 Augustus in die Delmas-omgewing, en Chris Derksen vertel wat hierdie week met vleispryse in die Noord-Vrystaat gebeur het.

RSG Landbou: Landboukwalifikasies

29 Julie 2026: Wie is vandag se rooivleisverbruiker? Dis een van die vrae wat tydens die LFR Veeskool bespreek sal word. Die Lewendehawe Registrerende Federasie bied dié geleentheid van 7 tot 9 Oktober aan by Aldam. Natuurwetenskaplike praktisyns wat by SACNASP geregistreer is, mag ook nou vir die eerste keer CPD-punte verdien indien hulle die Veeskool bywoon. Ons praat met Laurence Allem van Mielieboere Bonsmaras oor hulle 41ste produksieveiling op 13 Augustus by Viljoenskroon.

RSG Landbou: Biologiese immortaliteit

In 1 playlist(s)

RSG Landbou

Social links

Recent clips