Suid-Afrika het ‘n reputasie as ‘n uitvoerder van hoë gehalte bloubessies. Herman Louw van Fall Creek praat oor produksie in Suider-Afrika en die navorsing en ontwikkeling waarmee hulle besig is. Die LWO werkgewersorganisasie praat oor die belangrikheid van konsekwente toepassing van sanksies in die werksplek. Daar is soos altyd nuus oor vleispryse, en Johan van den Berg is terug met landbouweernuus.

RSG Landbou

RSG Landbou 11 September 2025

22 Mei 2026: Die Suid-Afrikaanse Rooibosraad verwelkom die aankondiging van tariefvrye toegang vir rooibos-uitvoere na China, en beskryf dit as 'n beduidende geleentheid om die bedryf se globale voetspoor uit te brei. As die wêreld se grootste teeverbruikende mark, bied China sterk groeipotensiaal vir rooibos, veral namate verbruikers toenemend na premium, kafeïenvrye en gesondheidsgerigte drankies soek. Die afgelope jaar was daar merkbare sielkundige nood onder beesboere weens bek-en-klouseer. Dr. Louise van Coller is ‘n spesialis berader, en stel veral belang in die welstand van mense wat die aarde bewerk. Sy sluit by ons aan met praktiese raad vir boere.

RSG Landbou: Rooibos kry tariefvrye toegang in China; Raad vir boere met bek-en-klouseer

Die Koejawelprodusentevereniging van Suid-Afrika verwag ‘n oes van sowat 21 000 ton. Die reën wat die Wes-Kaap onlangs ontvang het, kan moontlik ‘n positiewe impak op die finale oessyfers hê. Het jy geweet daar is koejawelboorde wat 80 tot ‘n honderd jaar oud is, en steeds vrugte dra? Ons gesels met Jacques Jordaan oor hierdie interessante bedryf. Johan van den Berg is terug met ons weeklikse weervooruitsigte, en Chris Derksen vertel wat hierdie week met vleispryse in die Noord-Vrystaat gebeur het.

RSG Landbou: Daar is koejawelboorde wat tot ‘n honderd jaar oud is, en steeds vrugte dra!

20 Mei 2026: Het jy geweet dat wildeienaars van die Springbokvlakte tot onlangs toe nog verbied was om springbokke aan te hou? Wildbedryf Suid-Afrika het die hof namens sy lede en die breër bedryf genader, nadat die Gautengse regering begin het om voorwaardes op te lê om die aanhou van sekere spesies te verbied. Waarna kyk finansiers wanneer ‘n kredietaansoek oorweeg word? Dawie Maree van FNB het tydens die Oranjeriviervoere-boeredag op Prieska met boere hieroor gesels. Ons hoor ook wat Dries Pienaar, ‘n skaapboer van die Molteno-omgewing, oor die toekoms van skaapboerdery in die Karoo te sê het.

RSG Landbou 11 September 2025

In 1 playlist(s)

RSG Landbou

Social links

Recent clips