Die Koejawelprodusentevereniging van Suid-Afrika verwag ‘n oes van sowat 21 000 ton. Die reën wat die Wes-Kaap onlangs ontvang het, kan moontlik ‘n positiewe impak op die finale oessyfers hê. Het jy geweet daar is koejawelboorde wat 80 tot ‘n honderd jaar oud is, en steeds vrugte dra? Ons gesels met Jacques Jordaan oor hierdie interessante bedryf. Johan van den Berg is terug met ons weeklikse weervooruitsigte, en Chris Derksen vertel wat hierdie week met vleispryse in die Noord-Vrystaat gebeur het.

RSG Landbou

RSG Landbou: Daar is koejawelboorde wat tot ‘n honderd jaar oud is, en steeds vrugte dra!

22 Mei 2026: Die Suid-Afrikaanse Rooibosraad verwelkom die aankondiging van tariefvrye toegang vir rooibos-uitvoere na China, en beskryf dit as 'n beduidende geleentheid om die bedryf se globale voetspoor uit te brei. As die wêreld se grootste teeverbruikende mark, bied China sterk groeipotensiaal vir rooibos, veral namate verbruikers toenemend na premium, kafeïenvrye en gesondheidsgerigte drankies soek. Die afgelope jaar was daar merkbare sielkundige nood onder beesboere weens bek-en-klouseer. Dr. Louise van Coller is ‘n spesialis berader, en stel veral belang in die welstand van mense wat die aarde bewerk. Sy sluit by ons aan met praktiese raad vir boere.

RSG Landbou: Rooibos kry tariefvrye toegang in China; Raad vir boere met bek-en-klouseer

20 Mei 2026: Het jy geweet dat wildeienaars van die Springbokvlakte tot onlangs toe nog verbied was om springbokke aan te hou? Wildbedryf Suid-Afrika het die hof namens sy lede en die breër bedryf genader, nadat die Gautengse regering begin het om voorwaardes op te lê om die aanhou van sekere spesies te verbied. Waarna kyk finansiers wanneer ‘n kredietaansoek oorweeg word? Dawie Maree van FNB het tydens die Oranjeriviervoere-boeredag op Prieska met boere hieroor gesels. Ons hoor ook wat Dries Pienaar, ‘n skaapboer van die Molteno-omgewing, oor die toekoms van skaapboerdery in die Karoo te sê het.

RSG Landbou: Wildbedryf SA hof toe oor beperking op aanhou van sekere spesies

Daar is al hoe minder boerderye wat deesdae as ‘n eenmansaak bedryf word. Soos ‘n boerderybesigheid verander en groter word, is dit goed om maatskappystrukture te vestig. Ons hoor wat Hennie de Swardt van FNB hieroor gesê het by die Oranjeriviervoere-boeredag op Prieska. Veeveilings waar diere fisies by veilingskrale teenwoordig is, vind stadig maar seker weer plaas in gebiede waar bek-en-klouseer onder beheer is. Dit is goeie nuus vir die Au Albidus-groep van Brahman-beestelers in Limpopo, wat op 30 Mei hulle derde versveiling by Bela-Bela aanbied. Henirich Victor is op sy pos met die jongste wolmarkverslag.

RSG Landbou: Daar is koejawelboorde wat tot ‘n honderd jaar oud is, en steeds vrugte dra!

In 1 playlist(s)

RSG Landbou

Social links

Recent clips