Die jaarkongres van Agri SA word in Oktober met ‘n slinternuwe baadjie in Kaapstad aangebied. Ons hoor by Johann Kotzé wat dié geleentheid anders maak. Christopher Havenga van die Boran-beestelersgenootskap gesels oor hulle nasionale veiling wat op 13 Julie by die Afridome in Parys plaasvind. Ons kuier ook by Hendrik Odendaal op sy plaas in die Standerton-omgewing. Hy is een van drie finaliste in die 2024 Klimaatslim Ambassadeur-projek.