Die prestasies van entrepreneur Billy Cowley en haarkapper André Green het hulle elk twee Guinness Book of Records laat behaal. Billy het eers 420 g Marmite binne een uur geëet, en toe ‘n kar vol kankerstrikkies geplak. André het eers binne 24 uur die meeste vroue se hare gesny, en toe onderwater die meeste vroue se hare binne een uur gesny.

'n Reeks dokumentêre programme deur 'n span gesoute RSG en SABC omroepers en joernaliste

RSG Dokumentêr

REUSE WAT REKORDS LAAT SPAT deur Flip Loots

‘n Plektrum is ‘n klein stukkie gereedskap wat gebruik word om snaarinstrumente mee te tokkel. Vir die Suid-Afrikaanse kitaargenie, musiekvervaardiger en komponis, Mauritz Lotz, is ‘n plektrum deel van sy persoonlike arsenaal, en versinnebeeld dit dat iets klein - ook in die lewe - ‘n groot verskil kan maak. In dié musikale reis, maak Mauritz sy hart oop teenoor Esté de Klerk, en deel hoekom sy hartsverbintenis tot musiek hom so veilig laat voel en ‘n plek is waar hy heel word.

PLEKTRUM deur Esté de Klerk

Jacqui January neem ons na ‘n verlate klipkoppie waar mans douvoordag skaars vetplante stroop vir die wêreldmark. Kenners gesels oor versamelaars se beheptheid met vetplante, en ons hoor wat die verskil tussen en vetplant en ’n kaktus is. Skrywer Irna van Zyl vertel hoe ‘n onskuldige potplant ’n misdaadstorie geword het.

GESTEEL UIT DIE GROND: VETPLANTE VIR DIE WÊRELDMARK deur Jacqui January

Zola Budd is bekend is vir haar kaalvoetstyl, wêreldrekords en ’n Olimpiese loopbaan, waarin sy vir twee lande deelgeneem het. Sy het die 5000 m-wêreldrekord in 1984 verbeter, maar dit is nie internasionaal erken nie. Sy het ook vir Groot Brittanje by die 1984 Olimpiese Spele aan die 3000 m deelgeneem, waar haar botsing met Mary Decker regoor die wêreld hoofnuus gemaak het. Jody Hendricks praat met Zola oor haar loopbaan se hoogtepunte en omstrede oomblike. Haar destydse afrigter, Pieter Labuschagné, vertel van die uitdagings wat hulle oorsee in die gesig gestaar het.

REUSE WAT REKORDS LAAT SPAT deur Flip Loots

In 1 playlist(s)

RSG Dokumentêr

Social links

Recent clips