Terwyl die Minister van Binnelandse Sake, die DA se dr. Leon Schreiber, groot treë vorentoe gee om sy departement op 'n vernuwingspad te plaas, lyk sy toekoms as minister, asook sy DA-kollegas in die kabinet, onseker. Schreiber het onlangs nuwe ooreenkomste bereik om die oorbekende lang rye by Binnelandse Sake te verkort. Sedert Februarie, toe die eerste begroting nié ter tafel gelê kon word nie, is die verhouding tussen die DA en sy RNE-venoot, die ANC, op ’n mespunt, en die toekoms van die RNE onseker.