അതൊരു പഴയ വീടായിരുന്നു. അവിടെ കുറേപേർ താമസിച്ചിരുന്നു. അവരിൽ ഒരാളായിരുന്നു ജിജിപ്പൂച്ച. അവളൊരു നല്ല പൂച്ചക്കുട്ടിയായിരുന്നു. ആ വീട്ടിലെ കുട്ടികൾക്ക് അവൾ ഒരു അനുജത്തിയെ പോലെയാ. രാവിലെ ഉറക്കം ഉണർന്നാൽ അവർ ആദ്യം ഓടിയെത്തുന്നത് ജിജിപൂച്ചയുടെ അടുത്തേക്കാണ്. അത്രയ്ക്കു സ്നേഹമാണ്. എന്നാലും അവൾക്ക് ഏറ്റവും സ്നേഹം ആരോടായിരുന്നെന്നോ? ജിനുപൂച്ചയോട്. അവൻ ഒരു വീട്ടിലെയും പൂച്ചയല്ല. നാട്ടിലും ഓരോ വീട്ടിലുമൊക്കെ അലഞ്ഞു തിരിഞ്ഞു നടക്കുന്നവനാണ്. ഭക്ഷണം പോലും അവന് ശരിക്ക് കിട്ടാത്ത ദിവസങ്ങളുമുണ്ടായിട്ടുണ്ട്. അപ്പോളൊക്കെ അടുത്തുള്ള ഏതെങ്കിലും കിണറ്റിൻകരയിലോ പൈപ്പിൻചുവട്ടിലോ പോയി വെള്ളം മാത്രം കുടിച്ച് ജീവിക്കാറുമുണ്ട്. ഇത് അറിയാവുന്ന ജിജിപ്പൂച്ച ഇടയ്ക്കൊക്കെ അവൾക്കു കിട്ടുന്ന ഭക്ഷണത്തിലെ ഒരു പങ്ക് ജിനുവിന് കൊടുക്കാറുമുണ്ട്. അതുകൊണ്ടുമാത്രം ആയില്ലല്ലോ. ഒരു പൂച്ചയാകുമ്പോൾ എന്തെല്ലാം ആവശ്യങ്ങൾ കാണും. ഉറങ്ങാനൊരു ഇടം, ഭക്ഷണം, നല്ല വെള്ളം അങ്ങനെ എന്തെല്ലാം. പാവം അല്ലേ. എന്നിട്ടോ? കേട്ടോളൂ