Land en SandHulle het nooit daarvan gedroom om miljardêrs te word nie, veral nie toe hulle gereeld hulle pa moes help om die gesinsmotor se enjin reg te maak nie. Faan en Dirk van der Walt, die twee broers wat WeBuyCars gestig het, het onlangs byna R900 miljoen se aandele in die maatskappy verkoop. Faan en Dirk het land en sand met Pieter Steyn gesels oor hulle kinderdae, hulle sekuriteitswag-pa en onderwyser-ma, hoe hulle elke dag ’n koei moes melk, en hoe hulle begin het om winskopies in die destydse Junk Mail te soek.
