Eminye imibutho yezopoliko iphawule ngompoposho okhutshwe ngorhulumente ongabona uhlonyelwa umgaqo-nkqubo ojongene nokuxakathiswa kwabantu abantsundu ngokunatyisiweyo i-Broad Based Black Economic Empowerment kwicandelo lobuxhakaxhaka, ukuvumela iinkampani zamazwe ngamazwe ukuba zikwazi ukusebenza kwelilizwe ngaphandle kokubinza ngomyinge wamashumi amathathu ekhulwini wemali yazo. Lompoposho ukhutshwe ngumphathiswa kwisebe lezonxibelelwano uSolly Malatsi. Oku kuza nanjengoko utyelelo lukamongameli Cyril Ramaphosa ngoLwesithathu lubone amalungu egqiza lakhe ememelela ukuba inkampani yaseMelika uStarlink incedise ekulweni ulwaphulo-mthetho eMzantsi Afrika.