UMongameli uCyril Ramaphosa, uzibophelele ngelithi ulawulo lwakhe, luza kulinciphisa kakhulu iqondo leengozi zendlela, ezishiya kubhubhe abantu. Ebethetha kwinkomfa yokuqala kazwelonke yezothutho, i-Inaugural National Transport Conference, ebanjelwe eMidrand, kumantla eRhawuti. Le ndibano yeentsuku ezintathu, izinyaswe nguMphathiswa wezothutho, uBarbara Creecy, isekela lakhe uMkhuleko Hlengwa, kwaye idibanise ndawonye abaqulunkqi bomgaqo-nkqubo, abatyali mali, kwakunye nabantu abeza namacebo amatsha okwenziwa kwezinto, ukuze kuxoxwe ngendlela yokwakhiwa kwenkqubo yezothutho ezakuncedisana noqoqosho, kwaye idale amathuba engqesho. Abanye abazimase lenkomfa, baphuma kwingingqi ye SADC, kuquka abaphuma eMozambique kwakunye nase Tanzania